како и зошто да го дегустираме виното

Не постои вистински или погрешен начин да се дегустира вино, едноставно или ти се допаѓа тоа што го пиеш или не.

Дегустацијата на вино може да биде исто толку едноставна како и самото прашање -  дали ти се допаѓа тоа што го пиеш или не?

Дегустирањето во однос на едноставното пиење ја зголемува нашата почит кон виното кое пак ни дозволува детално да  го истражиме и ги откриеме неговите на прв поглед потскриени убавини или грешки. Иако процесот на дегустирање во почетокот делува повторувачки со тек на време тој станува подсвесна навика а уживањето во виното е секако поголемo од едноставното пиење.

Велат постои формален начин на дегустација со која откривате повеќе за виното во вашата чаша, дури и пред да почнете да го пиете. Од лично искуство јасно ми е дека тој метод како и целата таа еуфорија околу виното на моменти може да делува застрашувачки и одбоjно, како резултат на стравот од непознатото често ќе си речете " не, не е тоа за мене ", затоа ќе го скршам тоа табу за вас, поедноставувајќи ја дегустацијата, оставајќи ги вашите чувства лагодни и сигурни, доколку сакате да ја користите оваа метода.

Едноставно во четири чекори: Погледни-Заврти-Помирисај-Вкуси и заклучи

   - Што гледаме во виното
   - Како го вртиме виното
   - Како го мирисаме
   - Како го вкусуваме

Звонко Херцег - WSET (Wine & Spirits Education Trust) сертифициран експерт за вино и жестоки пијалоци, со 18 годишно искуство во менаџирање компанија за продажба на пијалоци во Хорека делот од пазарот

Споделете го знењето со пријателите: