Коктел на вкусови во Паркот на Франкофонијата

На 3-ти јуни ќе се одржи третиот "Фестивал на биодиверзитетот"

На 3 јуни (сабота), од пладне до вечер, (12- 20ч), во Паркот на Франкофонијата во Скопје, по 3-ти пат ќе се случува Фестивал на биодиверзитет: Коктел на вкусови.

Слоу фуд Македонија во своите редови ги има најдобрите производители кои ја бранат агендата поврзана со автентичната храна: ќе има околу 40 изложувачи од цела Македонија, од кои 21 од Скопје. Овој пазар за храна на локалните производители вклучува и презентации, алкохолни, вински и пивски дегустации и секако- убаво дружење цел ден во најубавиот дел на Паркот на франкофонијата.

ПРОГРАМА
12.00 -20.00ч- Изложбен и продажен настан на четириесет локални производители на храна, вино, пиво и алкохолни пијалоци
13.00-13.15ч – Официјални обраќања на настанот
14.00-16.00 ч- Детско катче со работилница од програмата на проектот Училишни градини на Слоу Фуд
16.00-17.00 ч- Претставување на крафт пиварии
17.00-20.00ч- Најдобрите коктел мајстори приговуваат коктели од пијалоци на локалните производители

​Фестивалот го организира Слоу Фуд Водно со поддршка на Министерството за земјоделство, шумарство и водостопанство.

---