Успешно одржано првото летно винско дружење “Summer Wine – 2021 Skopje”

​На 04 Јули 2021, со чашка полна допадливи ароми и освежителни овошни вкусови, гостите и учесниците на настанот “Летно вино” го започнаа овогодишното винското лето.

Летно вино 2021 - Скопје | Summer Wine 2021 - Skopje

​Во прекрасна атмосфера, на терасата на ресторанот Воденица-Мулино се претставија следните македонски винарници: Стоби, Тиквеш, Бовин, Камник,  Лазар, Сопот, Попови, Венец, Сковин, Попов, Пуклавец Македонија и Брзанов.  Посетителите исто така имаа можност да ги вкусат и вината на винаријата Звонко Богдан од Србија, словенските вина од Пуклавец , италијанските вина на увозникот Винум-мкд, како и француските вина од шатото Гордон на винаријата Тиквеш. Вината ја следееа и внимателно одбраната храна од спонзорите Тинекс деликатесен и Рудине во соработка со реномираниот ресторан Воденица-Мулино, додека за рехидрирање на посетителите се погрижи Горска со своите производи. 

​Во склоп на настанот, организаторот Македонската асоцијација на Сомелиери – МАСОМ додели сертификати на 20на кандидати кои успешно го положија првото ниво од сомелиерските обуки

MASOM Level 1 - Wine Server

---

​“Во светот на вината, нашиот вински регион го препознаваат по црвените вина, но тоа е само една страна од медалот. Повардарието, нашата винска артерија има и друга страна, мирните бели и розе вина, како и пенливите. Се надеваме дека со овој настан успеавме да ја откриеме и втората страна на медалот кој се повеќе почнува да блеска.” - изјавија од МАСОМ.

---

---

Дел од атмосферата на настанот:
http://www.masom.net/gallery-summer-wine.html 

---