Прелиминарните резултати од една студија која го истражуваше влијанието на тероарот врз јачменовиот екстракт кај ирското виски, дојдоа до заклучок дека “постојат разлики во вкусовите на вискито, а кои се должат на разликите на околината “. Студијата насловена како Виски Тероар Проект, која претставува корпорациски проект на Waterford Distillery и Enterprise Ireland заедно со Др. Kieran Kilcawley од Teagasc; Др. Dustin Herb од Државниот Универзитет на Оргеон, / Oregon State University/ како и независните аналитичари за виски, Tatlock & Thomson, ја завршија својата прва година на истражување. Дефинирајќи го тероарот како “Тродимензионално влијание помеѓу микроклиматските фактори, почвата и самата микро локација растението”, студијата има за цел да го разбере влијанието на животната средина врз вискито кое се произведува од јачмен. Проектот користеше јачмен израснат на две различни места во југоисточна Ирска - Athy и Bunclody. Додека временските фактори на двете локации "се споредливи" меѓусебно, нивните почвени композиции се разликуваат, со тоа што Athy има повисоки нивоа на калциум (852 ppm повисоко), фосфор (5.7 ppm повисоко), магнезиум (30.8 pm повисоко), цинк (698 ppm повисоко) и алкална pH вредност од 7,8 во споредба со покиселата почва на Bunclody чија pH вредност изнесува 6.6. Двете јачменски сорти - Olympus и Laureate - беа посеани на двете локации и потоа беа анализирани за 16 микро-хранливи материи. Наодите од извештајот откриваат дека композициите на зрната помеѓу средините се разликуваат, со тоа што примероците зрна од Athy поседуваат повисоки нивоа на селен ихром, додека примероците зрна од Bunclody имаат зголемени концентрации на бариум кадмиум, цинк, бакар и алуминиум. Јачменовите зрна потоа се складирале, пред да бидат испратени на микро-прортување "користејќи стандардизиран протокол на базично ‘ртење за да го ограничи влијателниот ефект на процесот на прортување". Потоа, сладот поминува низ мал процес на вриење и дестилација со што стига до стандардизираните индустриски спецификации. Беа направени сензорни проценки на новиот тип на производство со податоци собрани од панелната евалуација и гасна хроматографија. Прелиминарната сензорна анализа на панелистите открила дека новиот начин на производство на јачменовите зрна одгледувани во Athy имале повисоко ниво на вкусови на овошје и слад во споредба со оние одгледувани во областа Bunclody, кои имале посилни сулфурни и тревни ноти. Сепак, аналитичарите не пријавиле никакви значителни разлики во двете сорти за атрибутите на вкусот што биле тестирани. Анализата на гасна хроматографија покажа "значајни ефекти" откриени за осум метаболични соединенија. Меѓу пронајдоците, со новиот начин на производствоод Athy, се констатира највисок јаглено-хидратен производ (фурфурал) кој дава ноти на печен леб и бадем со сладок вкус на карамел, кох и даб. Bunclody, пак, беше највисок во n-пропанолот, кој обезбедува овошни ноти на јаболко, круши и автолитички ароми со пченични, оревести, овошни вкусови како и вкусови на гуми за џвакање. Според д-р Херб /Herb /, кој го напишал првичниот извештај, "прелиминарните резултати од податоците од првата година укажуваат на тоа дека разликите на животната околина во вкусот на виски се навистина присутни, но потребни се повеќе податоци за целосно да се разбере улогата која животната средина и разновидноста ја играат во вкусот и тероарот на вискито ". Сепак, експериментот беше спроведен со нов дух на производство, а не на начин на производство според кој ВИСКИТО мора да помине период на созревање од три години во дабово буре, за да биде означен како таков. Затоа, ќе биде интересно да се види дали разликите се толку значајни кога ваквиот начин на производство ќе созрее. Директорот на Waterford Distillery, Марк Рејниер /Mark Reynier/, додаде: "Во светот на фините вина, тероарот е основен принцип, принцип кој се разбира и е прифатен од пазарите и купувачите како и од страна на одгледувачите и законодавците. Сепак, чудно е дека никој до сега научно не го докажал концептот. Тоа е она што го направивме ние тука. И што е уште поважно, да се покаже дека тероарот може да се примени и за јачменот и за single malt вискито исто онолку многу како што се применува и за лозјето и добриот Бургунднец."
Следната фаза од проектот ќе ги анализира наодите од гасната хроматографија од д-р Киран Киклави /Kieran Kilcawley/, со целосни резултати закажани за објавување во есен 2019 година. Проектот, исто така, се очекува да го надмине првичниот опсег и да продолжи до 2020 година. Опишувајќи се како "фокусирани на тероарот", во ноември минатата година ирската "Ватерфордска дистилерија" /Waterford Distillery/го докажа токму тоа, со ангажирање на агроном за тероар /"terroir agronomist"/, позиција дизајнирана да го зголеми разбирањето за разликите во вкусот во дестилатите произведени од јачмен одгледувани во различни области . Грејс О'Рајли /Grace O’Reilly/, која ја презеде функцијата минатата година, ќе помогне да ги надгледува и да управува со односите на дестилеријата со своите производители на јачмен. Покрај тоа, таа ќе продолжи со истражувањето на компанијата за разликите во вкусот забележани кај виски произведени од јачмен одгледувани во различни региони, користејќи податоци добиени од 71 различни фарми.
0 Comments
|
AuthorTerroir.mk |